1 deild hjá B68 vann stórsigur.
Við 2 málum av vælspælandi Badara og innskifta Eyðun Jacobsen vann
B68 ein knúsandi sigur í botndystinum móti EB/Streymi í dag og komu
røttu megin niðurflytingarstrikuna.
Tað var annars spælandi venjarin Súni Fríði Barbá, ið opnaði ballið
við einum góðum beinleiðis frísparksmálið eftir, at Emil hevði havt
eitt brandskot á innaru síðuna á stólpanum. Móti endanum í seinni
hálvleiki kom besta málið í dystinum. Eitt álop byrjaði á B68 hálvuni.
Bólturin bleiv spældur til Súna, ið snittaði bóltin fyrstu ferð til
Emil, ið setti ferð á og spældi Badara fríðan. Badara lobbaði bóltin
hegnisliga fyrstu ferð uppum ein framstormandi Gunnar í EB/Streyma
málinum.
Í seinna hálvleiki bleiv munurin bara sjónligari og sjónligari og
B68 vassaðu í málmøguleikum. Triðja málið kom eftir, at Súni spældi
Andre fríðan. Andre legði bóltin til rættis og smekkaði í málið. Síðani
skjeyt Badara bóltin í málið via ein EB/Streyma leikara eftir, at Súni
hevði spælt hann frían til skot. B68 gjørdi onkra innskifting. Símin W.
Høgnesen kom inn fyri ein smáskaddan Karl og Óli Olsen kom inn fyri
Janus og setti enn meir ferð á álopið so EB/Streymaliðið ikki orkaði,
at fylgja við til síðst.
Tá eitt korter var eftir kom Eyðun Jacobsen inn fyri Súna og gjørdi
ikki matari enn, at skora 2 mál. Fyrst eftir, at ein bóltur bleiv
spældur innum EB/Streymaverjuna. Eyðun bleiv leysur og lobbaði bóltin
uppum Gunnar. Lítla løtu seinni rann Óli seg leysan í vinstru síðu og í
staðin fyri, at skjóta spældi hann Eyðun púra blankan frammanfyri
málinum. Eyðun skuldi bara seta innarusíðuna á og so var tennisúrslitið
ein realitetur.
Um dystin er, at siga, at B68 byrjaðu ikki so væl, men sum dysturin
leið varð munurin á liðunum sjónligari og sjónligari og kundi sigurin
verið enn stórri. Tað vísir seg ofta, at B68 hevur meiri orku enn
fleiri lið og skyldast tað, at menn eru raskir til venjing.
Næstu ferð er ein sera torførur dystur á skránni. Tá gongur leiðin til Tvøroyrar, at møta TB.
Liðið ið spældi:
Petur M. Magnussen, Niklas Poulsen, Oddur Højgaard, Høgni Petersen,
Gestur Lómstein, Emil Olsen, Janus Thomsen, (Óli Olsen 65) Karl
Johannessen, (Símin Waag Høgnesen 58) Andre Olsen, Badara Diedhiou og
Súni F. Barbá (Eyðun Jacobsen 75)
