Keita royndarvenur í Silkeborg
Tað er ikki bara í Føroyum, at fólk hava lagt til merkis fótbóltskynstrini hjá Ahmed Keita, sum hesi seinastu tvey árini hevur leikt her á Toftum við B68. Eisini í Danmark hava fólk lagt hann til merkis, og í hesum døgum, kann hann prógva hvør dugur er í honum.
Leygardagin fór Keita avstað aftur úr Senegal, og til hann kemur aftur til Toftir Sunnudag, skal hann royndarvenja við Silkeborg. Silkeborg sum hava føroyska landsliðsleikaran Christian Holst á liðnum, liggja á einum flottum 4. plássi í donsku SAS Liguni.
Hóast Keita fekk eitt kulda sjokk, tá hann kom til Danmarkar, er hann tó sera spentur uppá, at sleppa at royna seg í Silkeborg. Sum sagt, verða hann og Ndende aftur at síggja á Toftum sunnudagin.
