Remi Langgaard gjørt sáttmála fyri 2010.

Tofta Ítróttarfelag hava í kvøld skrivað undir 1. ára sáttmála við Remi Langgaard, sum um eina viku hevur 18 ára føðingardag. Formaðurin hjá B68, er sera fegin um sáttmálan, tí Remi er heilt sikkurt ein leikari, sum vit koma at síggja nógv til, tey komandi árini.

Í fyrru hálvu av 2008 var Remi Langaard millum profilarnar hjá 1. Deild og Unglingum. Tá ið so Remi var liðugur í fólkaskúlanum, gekk leiðin til USA, har hann gekk í skúla í eitt ár. Tá Remi so kom heimaftur, gjørdist hann aftur á profilur hjá 1. Deild og Unglingum.

Ímóti endanum á kappingini, gjørdist Remi eisini partur av Vodafoneliðnum hjá B68. Tað bleiv til tríggjar dystir, og hvørjaferð var Remi av B68 viðhaldsfólkunum, valdur til "Man of the Match".

Herfrá skulu vit ynskja Remi og B68 tillukku við sáttmálanum, og síggja fram til kappingarárið 2010.

Tofta Ítróttarfelag takkar eisini fyri stuðulin, tá ið Eydnuhjól og Tombola var hildi á Svangaskarði, og tá ið leikara búnarnir hjá Vodafoneliðnum vóru seldir.

Koyr á B68.